राजधानी समाचारदाता
काठमाडौं, २३ भदौ
प्रहरीले अनुसन्धानका लागि भन्दै पक्राउ गरेका व्यक्तिहरूलाई २४ घन्टा बितिसक्दासमेत मुद्दा हर्ेर्ने अधिकारीसामु पेस गरेको छैन ।
चेकजाँचको क्रममा प्रहरीमाथि नै कुटपिट गर्ने राजन कार्की र तेन्जिङ शर्ेपालाई हिरासतमा लिएको २४ घन्टा बितिसक्दासमेत र्सार्वजनिक नगरेको हो । कानुनतः र्सार्वजनिक अभियोग लगाइएका व्यक्तिलाई हिरासतमा लिएको २४ घन्टाभित्र मुद्दा हर्ेर्ने अधिकारीसामु पेस गर्नुपर्ने हुन्छ ।
आफूलाई चलचित्र निर्माता बताउने कृष्ण कार्की भने पाटन अस्पतालमा चिकित्सकलाई जँचाउन लाग्दा गुण्डाहरूको सहयोगमा फरार भएका थिए । प्रहरीले कृष्ण, राजन र तेन्जिङलाई ललितपुरको छयासीकोटमा मादक पदार्थ सेवन गरी स्थानीय बासिन्दासँग झगडा गरिरहेको अवस्थामा मंगलबार बेलुका नियन्त्रणमा लिएको थियो । ललितपुर प्रहरी परिसर प्रमुख विक्रम थापाले हिरासतमा लिइएकाहरूबाट प्रहरीमाथि हातपात भएको जनाउँदै फरार भएका कार्कीको खोजीकार्य जारी रहेको बताए ।
कृष्ण, राजन र तेन्जिङलाई नियन्त्रणमा लिएपछि चेकजाँचका लागि पाटन अस्पताल लगिएकोमा १५/२० जना गुण्डा बोलाएर प्रहरीमाथि हातपात गरी त्यहीँबाट कृष्ण कार्की फरार भएको ललितपुर प्रहरीले जनाएको छ ।
उनीसँगै रहेका प्रहरी सहायक निरीक्षक किशोर लम्सालले अस्पतालमा थोरै प्रहरी हुन्छन्, त्यहाँबाट छुटाउन सजिलो हुन्छ भन्ने सुझाव दिएपछि राजन र कृष्णले आफ्ना सहयोगीहरू बोलाई प्रहरीलाई कुटपिट गरेर कार्कीलाई भगाएका थिए । अस्पतालमा कार्कीका गुण्डा र प्रहरीबीच केहीबेर झडप भएको थियो । झडपमा परी महानगरीय प्रहरी प्रभाग बुङ्मतीका प्रहरी नायब निरीक्षक र्-र्सइ) लोकराज पाठकसहित तीन प्रहरी घाइते भएका थिए ।  कुटपिटमा सहभागी हुने राजन भने भर्खरै प्रहरी निरीक्षक पदमा उत्तर्ीण्ा भएका व्यक्ति हुन् ।
छयासीकोटस्थित एक रेस्टुरेन्टमा मादक पदार्थ सेवन गरी होहल्ला गरेको र प्रहरीले सम्झाउँदा पनि नमानेपछि उनीहरूलाई नियन्त्रणमा लिइएको थियो । कृष्णले भने प्रहरीलाई धम्क्याउँदै आफू घमण्ड चलचित्रको निर्माता भएको र आफ्नो पहँुच माथिसम्म रहेको भनी प्रहरीलाई धम्क्याएका थिए ।