राजधानी समाचारदता
काठमाडौं, २१ भदौ
राष्ट्रपति डा. रामवरण यादवले नेपाली सेनाको छाउनीस्थित वीरेन्द्र अस्पतालको भ्रमण गरी त्यहाँ रहेका बिरामीहरूको अवस्थाका बारेमा जानकारी लिएका छन् । उनले त्यहाँस्थित विभिन्न शयनकक्षको निरीक्षण गर्दै बिरामीहरूसँग पनि भलाकुसारी गरेको सैनिक जनसर्म्पर्क निर्देशनालयले विज्ञप्तिमार्फ जनाएको छ । सो अवसरमा राष्ट्रपति यादवलाई वीरेन्द्र अस्पतालका कमान्डान्ट सहायक रथी डा. गम्भीरलाल राजभण्डारीले अस्पतालको विविध पक्षको बारेमा जानकारी गराएका थिए ।
१९८२ सालमा काठमाडौंको महांकालमा स्थापित ६४ शैय्याको त्रि-चन्द्र मिलिटरी हस्पिटलले बिरामीको चाप धान्न नसकेपछि २०४६ सालमा काठमाडौंको छाउनीमा ४२० शय्याको वीरेन्द्र अस्पताल स्थापना गरिएको हो । आधुनिक सुविधासम्पन्न यस अस्पतालमा बहालवाला तथा भूतपर्ूव सैनिक र तिनका परिवार, राष्ट्रिय अनुसन्धान विभागका कर्मचारी, नेपाल प्रहरी तथा सशस्त्र प्रहरी अस्पतालबाट रिफर भई आएका बिरामीको उपचार हुने गर्छ । रक्षा मन्त्रालय र जंगीअड्डामा कार्यरत गैरसैनिक कर्मचारी तथा तिनका श्रीमान्-श्रीमती, सैनिक महाविद्यालयका विद्यार्थी तथा शिक्षक-शिक्षिका एवं तिनका श्रीमान्-श्रीमतीका साथै दैवीप्रकोप तथा दर्ुघटनामा परेका गैरसैनिक व्यक्ति एवं विदेशीहरूलाई समेत उपचार सेवा पुर्‍याइरहेको सैनिक जनसर्म्पर्क निर्देशनालयले जनाएको छ  ।
गत वर्षा मात्र यस अस्पतालले करिब १० हजार बिरामीहरूलाई अन्तरंग सेवा पुर्‍याएको छ भने तीन लाख बिरामीहरूलाई बहिरंग सेवा पुर्‍याएर आपmनो क्षमता पर््रदर्शन गरेको छ । सोमबारको  निरीक्षण कार्यक्रममा रक्षामन्त्री विद्यादेवी भण्डारी, प्रधान सेनापति छत्रमानसिंह गुरुङ, राष्ट्रपतिको कार्यालयका सचिव वामनप्रसाद न्यौपाने, नेपाली सेनाका रथीहरू सहभागी थिए ।