© 2012 Rajdhani National Daily.
Powered by: F1Soft International
२०६८ - माघ - २४ | 07, February 2012
समाचार
मौसम| अधिक्तम(°से) | न्यूनतम(°से) | वर्षा |
|---|---|---|
| - | - | - |
राशिफलबाँकी अंश
२०६७ - भद्र - २१
सिन्ह्वा
इस्लामावाद, २१ भदौ
पश्चिमोत्तर पाकिस्तानको खाइवर पाख्तुन्ख्वा प्रान्तको लक्कि मार्वातस्थित एक प्रहरी चौकीमा शक्तिशाली आत्मघाती कार बम हमला हुँदा चारजना स्कुले केटाकेटीसहित कम्तीमा १९ जनाको मृत्यु भएको खबर छ । सो घटनामा ४० जना घाइते भएको अस्पताल स्रोतले जनाएको छ ।
स्थानीय सञ्चारमाध्यमका अनुसार सोमबार सबेरै विस्फोटक सामग्री भरिएको एउटा गाडी चौकी पछाडिको पर्खालमा ठोक्काएर विस्फोट गराइएको थियो । घटनास्थलमा स्कुल ब्याग र कितावहरू देखिएको सम्वाददाताहरूले बताएका छन् । मर्नेमा ११ जना प्रहरी छन् । आक्रमणका बेला चौकीभित्र ४० देखि ५० जनासम्म प्रहरी जवान रहेको समेत जनाइएको छ । कम्तीमा २५ जना प्रहरी जवान अझै पनि विस्फोटबाट क्षत्रि्रस्त भग्नावशेषमा पुरिएको समाचारमा उल्लेख छ ।
चौकीको दायाँबायाँ र अग्रभागमा सुरक्षाकर्मीको बाक्लो उपस्थितिका कारण आक्रमणकारीले पछाडिपट्टकिो पर्खाललाई लक्ष्य बनाएको हुनसक्ने सुरक्षा स्रोतले जनाएको छ । घटना लगत्तै विस्फोटस्थल र वरपरको सम्पर्ूण्ा क्षेत्रमा प्रहरीले खोजविन र कडा निगरानी गरेका छन् । सोमबारको आत्मघाती आक्रमण पाकिस्तानमा यो महिना भएको तेस्रो सबभन्दा गम्भीर घटना हो ।
पाकिस्तानमा गत साता सिया मुस्लिमहरूमाथि भएका हमलाहरूमा कम्तीमा एक सय र्सवसाधारण मारिएका थिए । पाकिस्तानी तालिबानले ती हमलाहरूको जिम्मेवारी दाबी गरेको थियो । प्रहरी चौकीमा ठोक्किनुअघि आक्रमणकारी कारले स्कुल भ्यानलाई ठक्कर दिएको थियो । चौकी भवनका साथै वरपरका पसलहरू र मस्जिदमा पनि क्षति भएको छ ।
पुरिएका व्यक्तिलाई निकाल्न उद्धारकर्मीहरूले भग्नावशेष हटाइरहेको प्राप्त समाचारमा छ । मार्वातका प्रहरी सहायक निरीक्षक अमीन खानलाई जिवितै बाहिर निकालिएको थियो । 'बिहानी ड्युटीका सबै कर्मचारी त्यहाँ थिए किनभने उनीहरूले अझै ड्युटी छाडेका थिएनन्' उनले भने । घटनामा एकजना अवकाशप्राप्त शिक्षकको समेत ज्यान गएको एसोसिएटेड प्रेस अफ पाकिस्तानले जनाएको छ ।
'१७ मृत शरीर र ४५ घाइतेलाई हाम्रो अस्पताल ल्याइएको छ' लक्कि मार्वातको प्रमुख अस्पतालका चिकित्सक गुलाम अलिले एएफपीसँग टेलिफोनमा भने । पाकिस्तानी तालिबानले अमेरिकी समाचार एजेन्सी एपीलाई टेलिफोन गरी घटनाको जिम्मेवारी दाबी गरेका छन् । आफूहरूविरुद्ध लाग्न र्सवसाधारणलाई उक्साएकोले प्रहरीलाई निशाना बनाइएको पनि उनीहरूले बताए ।
Comments0
Leave Comments