डिल्ली आचार्य/राजधानी
काठमाडांै, २० भदौ
सर्वोच्च अदालतले ज्यान मारेको अभियोगमा माओवादी सभासद् बालकृष्ण ढंुगेललाई र्सवस्वसहित जन्मकैद हुने फैसला गरेको छ ।
करिब १२ वर्षघिको एक अभियोगमा सर्वोच्च अदालतका न्यायाधीशहरू तपबहादुर मगर र राजेन्द्रप्रसाद कोइरालाको संयुक्त इजलासले सभासद् ढुंगेलमाथि सो सजाय सुनाएको हो ।
ओखलढुंगास्थित तारबारी गाविसका भुवन भन्ने उज्वनकुमार श्रेष्ठलाई गोली प्रहार गरी हत्या गरेको अभियोगमा उनीमाथि त्यस्तो सजाय सुनाइएको हो । श्रेष्ठको १० असार २०६५ मा हत्या भएको थियो ।
श्रेष्ठलाई गोली प्रहार गरेर हत्या गरेको अभियोगमा सभासद् ढुंगेललाई ओखलढुंगा जिल्ला अदालतले ११ असार २०६३ मा र्सवस्वसहित जन्मकैदको फैसला सुनाएको थियो । जिल्ला अदालतले फैसला गर्दा उनी भूमिगत थिए ।
जिल्लाको फैसलाविरुद्ध पुनरावेदन अदालत राजविराज गएका सभासद् ढुंगेललाई पुनरावेदनले भने सफाइ दिएको थियो । पुनरावेदनको फैसलाउपर मृतक श्रेष्ठका दाजुले सर्वोच्चमा दिएको पुनरावेदनमा सर्वोच्चले गत १९ पुस २०६६ मा जिल्ला अदालतको फैसला सदर हुने फैसला गरेको हो ।
पुनरावेदन अदालत राजविराजमा मुद्दा विचाराधीन रहेकै बेला माओवादीले उनलाई ओखलढुंगा-२, बाट संविधानसभा सदस्यका लागि उम्मेदवार बनाएको थियो । सो निर्वाचनमा उनले एमालेका किशोर अधिकारीलाई एक हजार पाँच सय मत अन्तरले पराजित गरेका थिए । ढुंगेलले संविधानसभा निर्वाचनमा ओखलढुंगा-२, बाट प्रत्यक्षतर्फजितेका थिए । ओखलढुंगा पोकली-२, स्थायी घर भएका सभासद् ढुंगेल माओवादी किरात राज्य समितिका सदस्यसमेत हुन् । र्
र्सवस्वसहित जन्मकैदको फैसला भएको आठ महिनासम्म पनि माओवादीले यो घटनालाई गोप्य राख्दै आएको थियो ।
तर, सर्वोच्चले फैसलाको पर्ूण्ा पाठ तयार गरेपछि यो घटना र्सार्वजनिक भएको हो ।
अदालतको यो फैसला कार्यान्वयनका लागि अब उनलाई पक्राउ गरी जेल पठाउनुपर्ने हुन्छ । सभासद् नभएकै अवस्थामा हत्या भए पनि अदालतले दोषी ठहर गरिसकेको अवस्थामा उनी सभासद् पदमा रही रहन नमिल्ने कानुन व्यवसायीहरूले बताएका छन् ।
सभासद् पद कायम रहन उनलाई राष्ट्रपतिले आममाफी दिएर मात्र बचाउन सक्ने कानुन व्यवसायीको दाबी छ ।
माओवादी युद्ध सुरु भएपछि भूमिगत भएका ढुंगेलले यसअघि नौ वर्षजेल जीवन बिताइसकेका छन् । २०२६ सालमा जन्मिएका उनी २५ वर्षेखि सक्रिय राजनीतिमा छन् ।