राजधानी संवाददाता
धनगढी, १७ भदौ
पर्ूव युवराज पारस शाहले बिहीवार धनगढीमा लक्ष्मीनारायण मन्दिरमा पूजा आजा र एउटा धर्मशालाको शिलन्यास गरेका छन् ।
दिउसो सवा एक बजे बुद्ध एयरको जहाजबाट धनगढी पुगेका पारसको स्वागतका लागि सयौ र्समर्थक बिमानस्थलमै पुगेका थिए । उनीहरुले राजा आउ देश बचाउ,राजा प्रजा एक होऔ,हाम्रो राजा हाम्रो देश प्राण भन्दा प्यारो छ लगायतका नारा लगाएका थिए ।
पारसको स्वागतका पाँच सयभन्दा बढि मोटरर्साईकल र दर्जनौ गाडी बिमानस्थल पुगेका थिए ।     
धनगढीको ओम प्यालेस नजिकबाट पैदल यात्रा गरेका पारसलाई हर्ेन तथा स्वागत गर्न हजारौ मान्छेको भीड लागेको थियो ।
सुरक्षाकर्मीहरु भीड नियन्त्रण गर्न असफल भएपछि पारसले पूजा आजा र कार्यक्रम छोट्याउनु परेको थियो । भीड नियन्त्रण गर्न प्रहरीले एलएनचौकमा लठ्ठी प्रहार गर्दा केहीबेर भागदौड भएको थियो । भीडका कारण झण्डै एक घण्टा धनगढीको एलएनचौकमा आवागमन अबरुद्ध भएको थियो । लक्ष्मीनारायण मन्दिरमा पूजाआजा पछि होटल डिभोटी पुगेका पारसको जयजयकार गर्दै भीड होटलमै पुगेको थियो । पानी परिरहदा पनि होटल बाहिर जम्मा भएका र्समर्थकहरुले पारसको पक्षमा नारावाजी गरेका थिए ।
युवराजबाट नागरिक भएपछि पहिलो पटक धनगढीमा आएका पारसको स्वागतमा निस्किएको मान्छेको भीड देखेर आयोजक नै चकित भएका छन् । कुनै व्यक्तिको स्वागतमा यति ठूलो भीड लागेको यो पहिलो पटक हो ।    मोटरर्साईकल र्‍याली र स्वागतमा माओवादी,काँग्रेस र एमाले लगायतका पार्टर्ीी युवा कार्यकर्ताको सहभागिता थियो ।
कमजोर सुरक्षा व्यबस्था र अब्यबस्थित कार्यक्रम आयोजनाका कारण पर्ूव युवराज पारसले बिमानस्थलबाट कार्यक्रमस्थलसम्म निकै सास्ती खेप्नु परेको थियो । बिमानस्थल बाहिर निस्किदा भीडले घेरिएका पारसलाई सुरक्षाकर्मी र आयोजकले भीडबाट जोगाउन सकेनन । उनलाई भीडबाट निस्किन हम्मे हम्मे भएको थियो । यस्तै धनगढीको लक्ष्मीनारायण मन्दिर परिसरमा लागेको भीड पनि मन्दिर परिसरले थेग्न सकेन ।