राजधानी समाचारदाता
काठमाडौं, १४ भदौ
आसन्न एसियाडका लागि अन्तर्रर्ााट्रय प्रतियोगितामा नेपाललाई र्सवाधिक सफलता दिलाउने तेक्वान्दोको छनोट सोमबार सम्पन्न भयो । १२ स्पर्धामा सहभागिता जनाउने तेक्वान्दो टोलीमा प्रायः परिचित अनुहार छनोट भएका छन् । सबैभन्दा बढी अन्तर्रर्ााट्रय अनुभव प्राप्त खेलाडीका रूपमा पुरुषतर्फ५४ केजीमा सागका रजतपदक विजेता कुमार मानन्धर रहेका छन् । पुरुषको ५८ केजीमा सुजन पुजारी, ६३ केजीमा सुजन जोशी, ६८ केजीमा आशिष महर्जन र ७४ केजीमा दानबहादुर ऐरी रहेका छन् । ऐरी ११औं सागका कांस्यपदक विजेता हुन् । ८० केजी तौलमुनिको समूहमा यादव पौडेल छनोट भए ।
महिलातर्फ४९ केजीमा लक्ष्मी राना, ५७ केजीमा सविना महर्जन, ६२ केजीमा मनिता शाही, ४६ केजी मायानकुमारी चौलागाईं, ६७ केजीमा रसना केसी र ५३ केजीमा आयशा शाक्य छनोट भए । आयशा पछिल्लो साग खेलको स्वर्ण्र्ााक विजेता हुन् भने मनिता रजत र यान कुमारी कांस्यपदक विजेता हुन् ।
सोमबार सम्पन्न अन्तिम छनोटमा नेपाल पुलिसका कुमारले चितवनका अर्जुन अधिकारीलाई ४-१ ले पराजित गरे । त्यस्तै, नेपाल आर्मीका यादवले पर्वतका भरतकुमार श्रेष्ठलाई ५-१ ले हराउँदै छनोट हुन सफल भए । यादव छनोट भएको उमेर समूहमा यसअघि सागका कर्ीर्तिमानधारी दीपक विष्टले खेलेका थिए । चोटका कारण उनी यस पटक छनोट खेलमा सहभागी भएनन् । त्यस्तै, ७४ केजी तौलमुनिको समूहमा छनोट हुने क्रममा नेपाल आर्मीकै दानबहादुरले अर्को विभागीय टोली एपीएफका भरत बोहरालाई ७-२ ले पराजित गरे । त्यस्तै, ६८ केजीमुनिको तौल समूहमा छनोट हुने क्रममा आषिश महर्जनले रामदत्त भट्टविरुद्धका दुवै खेल जिते ।
महिलातर्फमनिताले विजेश्वरी स्कुलका प्रतिज्ञा भण्डारीलाई ५-० ले हराउँदै छनोट भइन् । यान कुमारीले भने देविका तामाङको चुनौती समाप्त पारेकी थिइन् । रोल्पाकी गायत्री श्रेष्ठलाई ३-१ ले  हराउँदै काठमाडौंकी रसना छनोट भएकी हुन् । आयशाले प्रतिद्वन्द्वी निमा गुरुङविरुद्धका दुवै खेल जित्दै एसियाड यात्रा तय गरिन् । अन्तर्रर्ााट्रय प्रतियोगितामा तेक्वान्दोमा राम्रो छाप छाडेको नेपालले आसन्न एसियाडमा पनि यसबाट पदकको आशा गरेको छ । नेपाली टोलीको प्रशिक्षण सन्तोषजनक रहेको र पुरानो साख कायम राख्ने सम्भावना यथावत् रहेको प्रशिक्षक मिन थापाले बताए ।
यसैबीच, आयशा, मनिता र यान कुमारी मंगलबार कोरिया प्रस्थान गर्दै छन् । यसै साता हुने कोरिया ओपनमा यी तीन खेलाडीले सभागिता जनाउनेछन् ।