राजधानी संवाददाता
हेटौंडा, १४ भदौ
रोजगारीका लागि भारत पुगेका मकवानपुरको विकट गाविस कालीकाटारका सात युवालाई बन्धक बनाइएको उनीहरूका परिवारले जनाएका छन् ।
चेपाङहरूको ठूलो चाड न्वागी सुरु हुँदा गाउँका युवा विदेशमा बन्धक बनाइएको खबरले चेपाङ गाउँ चिन्तित भएको छ । उनीहरूले १५ देखि २४ भदौसम्म न्वागी मनाउने गरेका छन् ।
मकवानपुरको कालिकाटार-९, धुसराङका सातजना युवा चेपाङ भारतको हिमाञ्चलमा बन्धक बनाइएको परिवारले बताएका छन् । रोजगारीका लागि  नेपालगन्ज लैजाने भनेर स्थानीय लोकेन्द्र लामाले सातजना चेपाङलाई ११ असारमा भारतको हिमाञ्चल पुर्‍याएको वीरसिंह चेपाङले बताए ।  
उनीहरूलाई मुक्त गराउन ४० हजार रुपैयाँ माग गर्दै भारतबाट पत्र आएको वीरसिंहले बताए । बन्धक बनाइएकामा सुमन चेपाङ, वीरचन्द्र चेपाङ, विक्रम चेपाङ, सर्ुदर्शन चेपाङ, कामीसिंह चेपाङ, पालपाले चेपाङ र गुराउ चेपाङ छन् । उनीहरूलाई बन्धक बनाइनुको कारण नखुलेको र ४० हजार रुपैयाँ माग गर्दै हुलाकबाट पत्र आएको सुमनका बाबु वीरसिंह चेपाङले बताए । चेपाङहरूको ठूलो पर्व न्वागीमा छोराहरू बन्धक भएको खबरले चिन्तामा डुबेका छन् । नेपाल चेपाङ संघ मकवानपुरका सचिव विनोद चेपाङले उनीहरूलाई मुक्त बनाउन सहयोगको अपिल गरेका छन् ।