काठमाडौँ, १० साउन । राष्ट्रपति डा रामवरण यादव र  संविधानसभाका अध्यक्ष सुवास नेम्बाङबीच  सरकार गठन, संविधान लेखन र शान्ति प्रक्रियालगायत समसामयिक विषयमा छलफल भएको छ ।

    राष्ट्रपति भवन, शितल निवासमा आज दिउँसो उनीहरुबीच भएको छलफलमा राष्ट्रपति यादवले वार्ता र छलफलका माध्यमबाट सहमति कायम गरी नयाँ सरकार गठन, संविधान लेखन र शान्ति प्रक्रियालाई सकारात्मक निष्कर्षमा पु¥याउन दलहरु सक्षम हुने अपेक्षा गरेको  अध्यक्ष नेम्बाङले जानकारी दिए  ।

मुलुकलाई सरकारविहीनको अवस्थाबाट चाँडै अन्त्य गर्नुपर्छ, दलहरुबीच सहमतिको विकल्प छैन, मुलुक राजनीतिक संक्रमणको अवस्थामा छ, शान्ति र संविधान निर्माणको जिम्मेवारीलाई  समयमै पूरा गर्नुपर्छ, त्यसका लागि दलहरुले आपसमा तत्कालै सहमति कायम गरी शान्ति र संविधानको आधार तयार गर्नुपर्छ भन्नेमा राष्ट्रपतिले चिन्ता व्यक्त गरेकोे उनले उल्लेख गरे  ।

लोकतान्त्रिक पद्धतिलाई जोगाएर जनताको आस्थालाई सम्मान गर्दै जनताले सुम्पिएको जिम्मेवारीलाई पुरा गर्न दलहरु अघि बढ्ने राष्ट्रपति डा यादवले विश्वास लिनुभएको समेत अध्यक्ष नेम्बाङले बताए  ।

     राष्ट्रपतिसमक्ष आफूले प्रधानमन्त्रीको निर्वाचनका लागि व्यवस्थापिका संसदमार्फत् भएका काम कारबाहीबारे जानकारी गराएको अध्यक्ष नेम्बाङले बताए  । रासस