ढाका/रास- नेपाली बास्केटबल टोली ११आंै सागको सेमिफाइनलमा पुगेको छ ।  आयोजक राष्ट्र बंगलादेशले मंगलबार सम्पन्न खेलमा माल्दिभ्सलाई ७२-५९ स्कोरले पराजित गरेपछि समान तीन अंक बटुल्दै बंगलादेश र नेपाल सेमिफाइनलमा प्रवेश गरेका हुन् ।
भलिबल
भलिबलमा पनि नेपालले मंगलबार पहिलो जित हात पारेको छ । नेपालले मिरपुरस्थित रंगशालामा सम्पन्न खेलमा बंगलादेलाई १२-२५, २५-२२, २२-२५, २५-२२, १५-१२ ले पराजित गरेको हो ।
भारोत्तलनमा निरासा
ढाका सागबाट नेपाली भारत्तोलन रित्तो हात घर र्फकने भएको छ । दक्षिण एसियाली खेलकुदको इतिहासमा नेपाली भारत्तोलन पदकविहीन हुँदै घर र्फकन लागेको यो पहिलोपटक हो ।
भारोत्तोलनमा नेपालले अहिलेसम्मका साग खेलमा सबैभन्दा धेरै पदक जितेको थियो । भारत्तोलनको अन्तिम दिन मंगलबार पदकको आशा गरिएका गोपालबहादुर श्रेष्ठले पनि निरास नजिता दिए । एक सय पाँच केजीमाथिको तौल समूहमा गोपाल चौथो स्थानमा रोकिए । गोपालले स्न्याचमा एक सय १२ र क्लिन एन्ड जर्कमा एक सय ५२ केजी गरी कुल दर्ुइ सय ७४ केजीमात्र उठाउन सके ।
स्न्याचमा एक सय १७ र क्लिन एन्ड जर्कमा एक सय ६२ केजी उठाउने गोपालको प्रयास दुवैपटक असफल भएको थियो । उनको समूहमा भारतका एस सन्दिरले कुल तीन सय ३५ केजी उठाउँदै स्वर्ण्र्ाादक जिते ।
मंगलबार नै भएको एक सय पाँच केजीमुनिको तौल समूहमा पुन्तिलाल यादव पनि पदकविहीन बने ।  यादवले स्न्याचमा एक सय २१ र क्लिन एन्ड जर्कमा एक सय ५६ केजीसहित कुल दर्ुइ सय ७७ केजी उठाउँदै चौथो भए । यादवको समूहमा भारतकै रवाले कुल तीन सय २७ केजी तौल उठाउँदै स्वर्ण्र्ााजतेका थिए ।
भारत्तोलनमा नेपालका ६ लिफ्टरले भाग लिएका थिए । जसमा कमलबहादुर अघिकारी र गोपाल श्रेष्ठबाट पदकको अपेक्षा गरिएको थियो । कलम तीनजनामा पनि वासआउट हुँदै पदकविहीन बनेका थिए । सागमा भारत्तोलन पदकविहीन भएको यो पहिलो अवसर हो ।
ढाकामै सम्पन्न छैटौं सागमा भारत्तोलन खेल समावेस नै गरिएको थिएन । त्यसबाहेक सबै सागमा पदक जितेको थियो । भारत्तोलन सागमा अहिलेसम्म सबैभन्दा घेरै पदक जित्ने खेल हो । पाकिस्तानमा सम्पन्न नवौं सागमा पदक विजेता खेलाडी डोपिङमा परेका कारण घर फर्किएर पनि नेपालले पदक पाएको थियो ।
ब्याडमिन्टनमा हार
ब्याडमिन्टनमा नेपाली खेलाडीले मंगलबार कमजोर पर््रदर्शन गरेका छन् । पराजयको सामना गरेका छन् । मिश्रति युगलमा बंगलादेशका साख्ता अख्तर र रासेल कबिरले नेपालका सारादेवी तामाङ र विकास श्रेष्ठको जोडीलाई २१-१६,२१-१६ ले पराजित गर्‍यो ।
उपाधिको दाबेदार मानिएको अर्पना बलान र सान्भे थोमसको भारतीय जोडीले नेपालका रत्नजित तामाङ र पुजा श्रेष्ठकेा जोडीलाई २१-४, २१-४ ले पराजित गर्‍यो ।  पुरुष एकलमा बंगलादेशका रइस उदिनले रत्न जित तामाङलाई २१-७, १६-२१, २१-१६ ले हराए । पाकिस्तानका अस्मान कमारले नेपालका विकास श्रेष्ठलाई २१-१४, २१-११ ले पराजित गरे ।